بۆچی سنوورەکان گرنگن
دانانی سنوورەکان هەندێک جار دەتوانێت قورس بێت، بەڵام دانەنانی سنوورەکان دەتوانێت زۆر خراپتر و قورستر بێت. ماتیۆ بۆ ئەوەی بۆ کۆشکە قووڵەکانی جیهانی ناوخۆیی خۆی بەدواداچوون بکات لە دەروونشیکاری دابوو. چەند هەفتەیەک بوو بە گێرانەوەی چیرۆکی سێکسی نەگونجاو لەگەڵ زنجیرەیەک لە نوێترین هاوڕێ کچه‌کانی، دڵی خۆش دەکردم. ڕۆژێک لێم پرسی هەستت چۆنە بەرامبەر بەو کچە؟ چەند خولەکێک بە شێوەیەکی زۆر نائاسایی بێدەنگ بوو. دوای ماوەیەک بێدەنگی گوتی: «هەموو جۆرە بیرکردنەوەیەکم هەیە، بەڵام بەڕاستی نامەوێت باسی بکەم.»
وەکوو هەموو کاتەکانی دیکە کە هەوڵ دەدەم بۆ هەموو دەرمانخوازەکانم ڕوون بکەمەوە، پێم گوت کە هەرگیز پێویست ناکات باسی شتێک بکات کە لە چارەسەرکردندا نەیویستووە و بەدڵ نایهەوێ باسی بکات. هەرچەندە فرۆید گوتی هەموو ئەو شتانەی کە لە مێشکتدایە دەبێت بیڵێیت، بەڵام بۆم دەرکەوتووە کە پرۆسەکە ئەوکاتە باشترە کە هەوڵدەدەیت تێبگەیت چی شتێک قسەکردن قورس دەکات نەک هەوڵ بدەیت و خۆت ناچار بکەیت کە بە وشە و قسەکردن دەریببڕی. بۆیە پرسیارم لە ماتیۆ کرد کە ئایا دەتوانێت هەوڵ بدات و پێم بڵێت بۆچی نایەوێت باسی بیرکردنەوەکانی خۆی بۆمن بکات.
«بەدڵنیایەوە. بەڕاستی ئەوان کەسێنین.من ئەوەندە باش ئێوە ناناسم کە ئەم شتانەت پێ‌بڵێم و بۆت باس بکەم.» ئێستا نۆرەی من بوو بێدەنگ ببم. من تێگەیشتم کە چی لە هەموو ئەو چیرۆکە سێکسییانەی کە بۆی باس دەکردم، زیاتر کەسایەتییە. لێم پرسی، گوتی: ئای سێکس، هەر کەسێک دەتوانێت باسی سێکس بکات. شتەکانی‌تر، ئەوان زۆر قورسە کە بمەوێت باسیان بکەم.
گلێن گابارد دەروونشیکار و نووسەرێکە کە بە شێوەیەکی بەرفراوان لەبارەی پێشێلکردنی سنوورەکانەوە لە کاری دەروونشیکارییەکاندا نووسیویەتی. ئەو دەڵێت کە ناوەڕۆکی کارەکە هەم دەرمانخواز و هەم چارەسەرکەرەکان بەرەوڕووی ئەو جۆرە سەرپێچییانە بەرگەنەگر دەکات و هەروەها دانانی سنووری پیشەیی ڕوون زۆر گرنگە. من بۆم دەرکەوتووە کە دانانی سنوور زۆرجار بەشێکە لە خودی پرۆسەی چارەسەرکردنە.
🔎 گەڕان:
بەشی بابەتەکانی سایتەکەمان ڕۆژانە نوێ دەکرێتەوە. ئێستا بابەتەکانی دڵخوازت بدۆزەوە.
زۆرێک لە دەرمانخوازان سەبارەت بە مافی خۆیان هەست بە سەرلێشێواوی دەکەن و بۆ ئەوەی بتوانن لەگەڵ کەسانی‌تر سنوور بۆخۆیان دابنێن پڕۆسەی چارەسەری هەڵدەبژێرن. من بۆم دەرکەوتووە بۆ دەستپێکردنی کارکردن لەسەر سنوورە تەندروستەکان، یەکێک لە باشترین شوێنەکان بۆ وتووێژ، وتووێژ لەسەر ئەو شتەیە کە دەڕمانخواز لە کاتی چارەسەری بۆ قسە کردن لەسەر ئەو بابەتە هەست بە ئاسوودەیی یان ناڕەحەتی دەکات.
زۆرێک لە خوێنەرەکانی هەمیشەیی من دەزانن کە لەسەر ئەو بڕوایەم کە تایبەتمەندی بۆ بەشی دروونیمان زۆر گرنگە. دۆزینەوەی سنوورێک کە بۆ پارازتنی ئێمە بەهێز بێت بەڵام لە هەمان کاتدا ئەوەندە نەرم و نیان بێت کە ڕێگە بە پەیوەندی دروست لەگەڵ ئەوانیتر بدات کلیلی تەندروستی‌دەروونی و سۆزدارییە. بەڵام هەمیشە بۆ ئەوەی کە بزانیت سنوورێکی دروست چییە و چ سنوورێک نادروستە کارێکی ئاسان نییە.
وە بۆ من بەشێکی گرنگی کاری چارەسەری‌دەروونی هەوڵدان بۆ دۆزینەوەی سنووری دروسته. هەر بۆیە زیاتر حەزم دەکرد هەوڵ بدەم که تێبگەم بۆچی ماتیۆ لەباسکردنی سێکسدا زیاتر هەستی بە ئاسوودەیی دەکرد تا باس کردنی هەستی بە چۆنیەتی کچە گەنجەکەی کە سێکسی لەگەڵدا دەکرد. بە ئەزموونی من تێگەیشتن و قبووڵکردنی ئەوەی کە پێویستی بەو سنوورە هەیە، یارمەتی دەدا تا بڕیار بدات کە ئایا دەیەوێت بۆ ئەوەی هەندێک لە هەستە ناخۆشەکانی دەرببڕێ زۆری لەخۆی بکات یان نە. لە ڕاستیدا، ئەو هەستەی کە هەیبوو بۆ ئەوەی هەندێک شت بۆ خۆی بهێڵێتەوە، بەشێکی گرنگی چارەسەرەکەی دەرچوو.
لەکاتی گەڕان بەدوای ئەو سنوورانەی کە بۆخۆی دانابوو فێربووین کە ماتیۆ لە باسکردنی سێکسدا هەستی بە باشی دەکرد چونکە ئەوە «قسەی پیاوانە» بوو، و وای لێدەکرد هەست بە بەهێزی و پیاو سالاری بکات. بەڵام هەستەکان؟ ئەوە «قسەی کچان» بوو. حەزی نەدەکرد بیر لەوە بکاتەوە و باسی هەستەکانی بۆ من بکات. بەڵام، گوتی، «ڕەنگە ئەوە بەشێک لە کێشەکەم بێت. پێموایە هەر لەبەر ئەوەیە کە من لە چارەسەرکردندام، وانییە؟»
ئەوە جێگای سەرنجە، باسکردنی سنوورەکانی، چەندین بواری گرنگی دیکەی کردەوە. نەک تەنیا ناڕەحەتییەکەی بەرامبەر بە هەستەکان، بەڵکوو هەندێک بواری دیکە کە وەک «کچانە و نەک پیاوانە» بیری لێدەکردەوە. ماتیۆ وەک زۆرێک لە دەرمانخوازەکان بۆی دەرکەوت کە سنوورەکانی بەشێکی گرنگ لەوە نیشان دەدەن کە ئەو کێیە، و خزمەت بە ئامانجە گرنگەکان دەکەن. بێگومان هەندێک جار دەهاتنە سەر ڕێگەی ئەوەوە و بەو شێوەیە پێشیان پێدەگرت، بەڵام لەگەڵ ئەوەی فێر بوو پێویستی دانانی سنوورەکان لەگەڵ خۆی و کەسانی دیکە قبووڵ بکات، هەروەها بۆی دەرکەوت کە باشتر دەتوانێت پەیوەندییەکی مانادار و دۆستانەی لەگەڵ کەسانی دیکەدا هەبێت کە لە ڕاستیدا یەکێک بوو لەو هۆکارانەی کە هاتۆتە ناو چارەسەرکردنەوە یانی پلەی یەکەم.
✍️ڕای ئێوە چییە؟ ئایا لە ژیانی تایبەتی خۆتدا سنووری ڕوونت هەیە؟ بیروڕاکانتان لەگەڵ ئێمەدا باس بکەن!
سەرچاوە
ئەم بابەتە بە ناونیشانی «Why Boundaries Are Important» لە ماڵپەڕی IPA بڵاوکراوەتەوە و لەلایەن گرووپی دەروونناسانی نۆڕینگەی تاو بۆ زمانی کوردی وەرگێڕدراوە.
